Article 1 - Objècte
Jaguarden's Studio que's resèrva lo dret de refusar tota demanda de prestacion, shens aver a motivar la soa decision.
Article 2 - Tarifas
| Prestation | Tarifas |
| Traduccion + Sostítol .srt | 7€ / minuta de video e per lenga |
| Traduccion + Sostítol .ass / .ytt | 10€ / minuta de video e per lenga |
| Traduccion de títol | 1€ / video e per lenga |
| Traduccion de tèxte | Prèmi de partença 3€ + 3€ / 200 mòts |
| Liurason < 48h | +50% |
Las tarifas que son exprimidas en euros (€) e que s'entenen per lenga tradusida.
Article 3 - Correccions e Modificacions
La tarifa que compren un periòde de correccion limitada.
Aqueth periòde dur duas setmanas, a comptar moment on l'o los fichèr·s
concernit·s qu'ei o que son enviat·s au client.
Aquera correccion qu'ei limitada a las errors de traduccion o de
sincronizacion. Tota modificacion suplementària resultant d'un cambiament
de demanda deu client que poirà har l'objècte d'ua factura complementària.
Article 4 - Comandas
Los eventuaus fresc aplicats per las platafòrmas de pagament tierces que son a la carga deu client, lhevat acòrd contrari.
Article 5 - Pagament
La moneda de referéncia utilizada, e las prestacions que son facturadas en
euros (€). Qu'ei la moneda utilizada per la quasi-totalitat deus país d'Euròpa,
membres de l'Union Europèa o non, dont França (país on resideish
fiscaument Jaguarden's Studio).
Lo mejan de pagament que pòt estar decidit dab lo client, en foncion de si lo
pagament se hè dens França, dens l'Union Europèa, o a l'internacionau.
Que serà preferit d'utilizar servicis com PayPal entà pagaments
internacionaus.
Lo pagament que deu estar efectuat dens un delai de 14 dias après emission de la factura. Tant que la factura serà pas reglada, los fichèrs ne seràn pas enviats.
Si la factura ei pas reglada au cap deu tèrmi d'un mes, que consideraram
que la comanda ei estada anullada. Notatz qu'après lo prumèr tèrmi de 14
dias, de las penalitats de retard que poiràn estar aplicadas confòrmament a
l'estima.
En cas de retard de pagament, penalitats que poiràn estar aplicadas
confòrmament a la legislacion en vigor e a las presentas Condicions
Generaus de Venta.
Article 6 - Utilizacion
Las traduccions, sostítols e autes òbras realizadas per Jaguarden's Studio
ne pòden pas estar utilizats, en tot o en partida, entà entrainar, desvolopar o
melhorar tot sistèma d'intelligéncia artificiau, generativa o non, shens
autorizacion escriuta preliminara.
Lhevat acòrd contrari, la mencion “Que sostitolas e / o Traduccion :
Jaguarden's Studio” que deu estar conservada.
Aquò que concerneish : los sostítols (inscripcion sovent en darrèra pista de sostítols) e los tèxtes de faiçon generau. Lo client que s'engatja, quan aquò qu'ei tecnicament possible, a mencionar Jaguarden's Studio dens la descripcion de la video o dens tot aute espaci de crèdits apropriat.
Article 7 - Proprietat Intellectuau
Los drets d'utilizacion de la traduccion que son concedits au client
unicament après pagament integrau de la factura.
Lo client qu'obtien :
- los fichèrs concernits liurats
- lo dret de'us utilizar entau son contienut
- lo dret de s'opausar a çò qui'ns publicam los fichèrs comandats publicament (suu noste Google Drive dab un ligam public, per exemple)
Jaguarden's Studio que consèrva :
- los nostes metòdes de tribalh
- los nostes modèles
- lo noste saber-har
Jaguarden's Studio ne pòt pas estar tienut responsable de las
consequéncias resultant d'ua modificacion deu contienut tradusit peu
client après liurason.
Lo client que garanteish dispausar drets necessaris sus las òbras qui
hida a Jaguarden's Studio entà traduccion o sostitolatge.
Article 8 - Anullacion
En cas d'anullacion après la debuta de la prestacion, las òbras dejà
realizadas que demoran devuts.
Si lo pagament ei estat efectuat abans lo començament de la prestacion e
qu'aquesta n'a pas enqüèra debutat, un remborsament que poirà estar
considerat.
Si la prestacion ei dejà començada, nat remborsament ne poirà pas estar exigit.
Article 9 - La version francesa que hè fe
Las presentas Condicions Generaus que son redigidas en francés. En cas
de divergéncia enter las diferentas traduccions podent estar realizadas per o
entau client sus ua basa de confòrt, la version francesa que harà fe.
La version francesa que serà tostemps comunicada, quan ua version
tradusida serà egaument comunicada dab entà rasons de confòrt.
Article 10 - Consentiment
En confirmant préner comanda, lo client que consent e qu'assumeish aver lejut e comprés los CGV.
Precisions Hòra CGV
Çò que seguirà ne hè pas partida de las CGV. Ne son pas que precisions o de las informacions tierces.
Tota persona avent peu passat collaborat dab Jaguarden's Studio, abans que los servicis vàdian pas pagants, que's veiràn gardar la gratuitat deus nostes servicis, en mercejament entà ns'aver hèit hidança a las nostas debutas, e ns'aver permetut d'aver metut lo noste tribalh endavant e de'ns crear un catalògue e ua reputacion.
Que serà totun demandat de respectar l'Article 6 de las presentas CGV.
Precisions sus com Jaguarden's Studio calcula los prètz de las diferentas Tarifas :
- Traduccion + Sostítol .srt : Prèmi = (Minutas + Segondas ÷ 60) × 7
- Traduccion + Sostítol .ass / .ytt : Prèmi = (Minutas + Segondas ÷ 60) × 10
- Traduccion de tèxte : Prèmi = 3 + (Nombre de mots - 200 ÷ 200) × 3
Aquí un exemple de çò a qué semblan deus sostítols au format SRT sus ua video YouTube.
Aquí un exemple de çò a qué semblan deus sostítols au format ASS / YTT sus ua video YouTube.
Los sostítols estilizats que son creats au format ASS.
Que pòden estar hornits autan demandats. Totun, ne pòden pas estar importats sus las videos YouTube devath aqueth format. La version convertida au format YTT, qui ei compatibla e que pòt estar importada sus ua video YouTube, que'vs serà hornida entà èste utilizada sus las vòstas videos YouTube.
Telecargar Copia
Que podetz telecargar la darrèra version disponibla de las nostas CGV au format PDF, dens ua de las lengas disponibla ací devath.
Francés Anglés Occitan
